Əziz iştirakçılar, Final Mərhələsinin tarixləri bəlli oldu! Xatırladırıq ki, bütün finallar www.kings.az platformasında keçiriləcək və hər fənn üçün təyin edilmiş gündə 10:00 və 22:00 arasında sizə uyğun saatda hesabınıza daxil olaraq testləri işləyə bilərsiniz.
FİNAL MƏRHƏLƏSİNDƏ NECƏ İŞTİRAK ETMƏK OLAR?
1. www.kings.az səhifəsinə daxil olun və "Giriş" düyməsini klikləyin, giriş məlumatlarınızı (iştirakçı kodu və parol) daxil edərək hesabınıza daxil olun. Sonra isə səhifənin yuxarı hissəsində tapa biləcəyiniz iştirakçı kodunu klikləyin;
2. Sol tərəfdəki idarəetmə çubuğunda "Final" bölməsini seçin;
3. Daxil olduğunuz bölmədə səhifəni aşağı sürüşdürün və olimpiadanın qaydaları ilə tanış olun;
4. Olimpiadanın hansı finalında iştirak etmək istədiyinizi seçin və "Başlayın!" düyməsini sıxın.*
5. Testi başa vurduqdan sonra "Testi bitir" düyməsini klikləməlisiniz, əks halda cavablar yadda saxlanılmaya bilər.
*Seçdiyiniz fənn üzrə finalda iştirakı hələ aktivləşdirməmisinizsə, "İştirakı aktivləşdir" düyməsini klikləyin.
Final Mərhələsi haqqında:
1. Test müddəti - 60 dəqiqədir.
2. Qapalı suallardan əlavə əlavə 1 açıq sualdan ibarətdir. Suallar İngilis dili, İnformatika, Həyat bilgisi, Azərbaycan dili üçün 29 qapalı + 1 açıq, Məntiq və Riyaziyyat üçün 14 qapalı + 1 açıq olaraq təyin edilib.
3. Sınaq zamanı telefondan istifadə etməməyi, mesaj yazmamağı, testləri təkbaşına etməyi, qeyd və kitablardan istifadə etməməyi, internetdən istifadə etməməyi tövsiyə edirik! Əks halda heç bir xəbərdarlıq edilmədən şagird imtahandan kənarlaşdırıla bilər.
4. Testi başa vurduqdan sonra "Testi bitir" düyməsini sıxmaq lazımdır, əks halda cavablar yadda saxlanılmaya bilər!
5. İmtahan zamanı ekran görüntüsü qeydə alınacaq və şagirdlərin test prosesinə nəzarət ediləcək.
Finalda iştirakınızı hələ təsdiq etməmisinizsə, bunun haqqında məlumatı linkə keçid edərək tapa bilərsiniz:
Hər hansısa sualınız və ya çətinliyiniz yaranarsa bizimlə (055 270 07 15; info@kings.az) asanlıqla əlaqə saxlaya bilərsiniz. Sizə kömək etməkdən məmnunluq duyarıq!
